हामी सबैकाे संसारन्यूज

१ फागुन, काठमाण्डौ । स्कुटी दुर्घटनामा परेर नायिका महिमा सिलवाल र उनकी बहिनी शर्मिला शिलवालको मृत्यु भएको छ ।

भैरहवाबाट काठमाण्डौं आउँदै गरेको लु २ ख १३५ नम्बरको बस र काठमाण्डौंबाट चितवन जाँदै गरेको बा ९८ प ७०५८ नम्बरको स्कुटी धादिङको गजुरीमा ठोक्किदा सिलवाल दिदी बहिनीको मृत्यु भएको इलाका प्रहरी कार्यालय गजुरीका इन्सपेक्टर भोजराज पाण्डेले संसारन्युजलाई बताएका छन् ।

मंगलबार बेलुका पौने ६ बजेतिर गजुरी गाउँपालिका वडा नं ३ को चान्बासमा दुर्घटना हुँदा दुई दिदी बहिनीको मृत्यु भएको बताइएको छ । हाल महिमाको शब गजुरी अस्पताल र बहिनी शर्मिलाको शब ट्रमा सेन्टरमा रहेको पनि इन्सपेक्टर पाण्डेले बताए । घटनाका बारेमा अनुसन्धान भइरहेको पनि उनले बताए ।

कारबाही चलचित्रबाट फिल्मी क्षेत्रमा प्रवेश गरेकी महिमाले अप्रिल फूल, चिर्यस, दानव, जिग्जोलगायतका फिल्ममा काम गरेकी थिइन् ।