हामी सबैकाे संसारन्यूज

१ फागुन, काठमाडौं । सञ्चार तथा सूचना प्रविधि मन्त्री गोकुल बाँस्कोटाले सरकाले आफ्नो २ वर्षे कार्यकालका क्रममा एउटै नराम्रो काम नगरेको दाबी गरेका छन् । मन्त्रिपरिषद्का निर्णय सार्वजनिक गर्न बिहीबार मन्त्रालयमा आयोजित नियमित पत्रकार सम्मेलनमा बोल्दै मन्त्री बाँस्कोटाले सरकार राम्रो काम मात्र गरेको बताए ।

उनले सरकारबाट राम्रा काम हुँदा पनि नराम्रो लेख्ने काम भैरहेको गुनासो गरे । संचारमाध्यमलाई लक्षित गर्दै उनले राम्रो कामलाई पनि नराम्रो देख्ने नजर नै नराम्रो रहेको बताए । ओली नेतृत्वको सरकारका समयमा विधिको शासन बलियो भएको पनि दाबी गरे।

सरकारका २ वर्षे कामका प्रगतिबारेमा शुक्रबार प्रधानमन्त्री केपी शर्मा ओलीले देशबासीलाई सम्बोधन गर्ने कार्यक्रम रहेको छ । प्रधानमन्त्री ओलीले दुई वर्षअघि फागनु ३ गते प्रधानमन्त्री पदको सपथ लिएका थिए।