Sansar News
५ फागुन, काठमाडौं । जबर्जस्ती करणी मुद्दामा निर्दोश ठहरिएका पूर्वसभामूख कृष्णबहादुर महराले डिल्ली बजार कारागारमा थुनिएका ५० प्रतिशत कैदी निर्दोष रहेको बताएका छन् । महराले कैदीबन्दीहरूसँग बिदाइ भेट गर्दै निर्दोष भए पनि जेल जीवन बिताइरहेका कैदीलाई छुटाउन पहल गर्ने आश्वासन पनि दिए।
‘मैले बुझेसम्म यहाँ ५० प्रतिशतभन्दा बढी कैदी निर्दोष छन्। म बाहिर गएर तपाईंहरूको रिहाइका लागि पहल गर्नेछु,’ महराले भने। पूर्वआईजीपी रमेशचन्द ठकुरी र सशस्त्र प्रहरीका पूर्वडीआइजी रञ्जन कोइरालाले खादा लगाएर महरालाई बिदाइ गरेका थिए ।
उनलाई नेकपा कार्यकर्ताहरुले डिल्लीबजार कारागार बाहिर स्वागतको गरेका थिए । यद्दपी महरा भने गाडिबाट बाहिर निस्किएनन् । महरा डिल्लीबजारबाट सोझै निवासतर्फ लागेका छन् ।
वि.सं.२०७६ फागुन ५ सोमवार १७:०४ मा प्रकाशित
