हामी सबैकाे संसारन्यूज

१० फागुन, काठमाण्डौं । सुविधा र कामको खोजीमा बसाइँ जाने क्रम बढेपछि छथरजोरपाटी गाउँपलिका अन्यत्रबाट आउने परिवारलाई दुहुनो गाईँ उपहार दिन थालेको छ ।

गाउँपालिकाका जुनसुकै स्थानमा स्थायी बसाईँ आउने घर परिवारको जीवन निर्वाहमा सहयोग पुर्याउने उद्धेश्यले दुहुनो गाईँ उपहार दिन थालिएको गाउँपलिका अध्यक्ष शेरबहादुर लिम्बूले बताए ।

‘मधेसलगायत अन्य बसाईँ जाने क्रममा कमी ल्याउँछ,’ उनले भने, ‘कार्यक्रमले उत्पादनशील भूमि बाँझोमा परिणत हुने परिस्थितिको अन्त्य हुने विश्वास छ ।’ कार्यक्रम सञ्चालन गर्न गाउँपालिकाले कार्यविधि निर्देशिका बनाएको छ । अहिलेसम्म गाउँपालिकाभरिमा ८ जना नयाँ परिवार बसाईँ आएका छन् । नयाँ परिवारले दुहुनो गाईँ माग्दै गाउँपालिकामा आवेदन दिइसकेका छन् ।

नयाँ घरपरिवारलाई प्रति गाईँ खरिदमा अधिकतम ६१ हजार रुपैयाँ अनुदान उपलब्ध गराईँने पशुपंक्षी विकास शाखाका प्रमुख राजकुमार राईले बताए । उनका अनुसार बसाइँ आउने परिवारले गाउँपलिकामा निवेदन बसाईँ सारइ प्रमाणपत्र, लालपूर्जा र नागरिकताको प्रतिलिपी, वडा कार्यालयको सिफारिस पशुपंक्षी शाखामा बुझाउनु पर्छ । शनिबारको अन्नपूर्णपोस्ट दैनिकमा समाचार छ ।