हामी सबैकाे संसारन्यूज

१० फागुन, काठमाण्डौं । अख्तियार दुरुपयोग अनुसन्धान आयोगले निर्वतमान सञ्चार तथा सूचना प्रविधि मन्त्री गोकुरल प्रसाद बाँस्कोटालाई निगरानीमा राखेको छ ।

सेक्युरेटी प्रिन्टीङ प्रेस खरिद प्रकरणमा ७० करोड रुपैयाँ कमिशन मागेको अडियो सार्वजनिक भएपछि उनले बिहीबार मन्त्री पदबाट राजिनामा दिएका थिए । यससँगै सम्बन्धीत तथ्य र प्रमाण नष्ट हुन सक्ने भएकाले निगरानीमा राखिएको अख्तियार श्रोतले बताउँछन् । ‘यत्रो काण्ड छ, निगरानी नगर्ने त कुरै भएन,’ स्रोतले भन्यो ।

अख्तियारले प्रेस खरिदका विषयमा बाँस्कोटाले गरेका कार्यको अध्ययन गरिरहेको छ ।
स्रोतका अनुसार बाँस्कोटासँग छिट्टै बयान लिने तयारी छ । उनको राजीनामापछि कार्यकक्ष र सचिवालयमा रहेका महत्वपूर्ण कागजात अख्तियारले कब्जामा लिएको छ । शनिबारको अन्नपूर्ण पोष्ट दैनिकबाट