Sansar News
१२ फागुन । नेपाल भारत सिमावर्ती क्षेत्रमा सशस्त्र र एसएसबीले संयुक्त गस्ती गर्ने सहमति गरिएको छ ।
भारतको बैरगनियामा आईतबार भएको दुईपक्षीय बैठकमा रौतहटस्थित सशस्त्र प्रहरी र भारतीय सशस्त्र सीमा बलबीच नेपाल भारत सिमावर्ती क्षेत्रमा सशस्त्र र एसएसबीले संयुक्त गस्ती गर्ने लगायत ५ बुँदे सहमति भएको हो।
त्यस्तै दुईपक्षीय बैठकमा दशगज्जा क्षेत्रको सफाई अभियानलाई निरन्तरता दिने, सीमा क्षेत्रमा अपराधिक गतिविधि न्युनीकरण गर्न सूचना आदानप्रदान गर्ने सहमति भएको छ ।
सीमाक्षेत्रमा लागुऔषध ओसारपसार नियन्त्रण गर्ने, भूमिगत सशस्त्र समूहको गतिविधिमा निगरानी गर्ने सहमति भएको छ ।
उक्त बैठकको नेतृत्व सशस्त्र प्रहरी बल ११ नम्बर हेडक्वाटर गौरका प्रमुख एसपी रविनराज कर्णजित र बैरगनियाका भारतीय सिमासुरक्षा बलका २० नम्बर बटालियनका कमाण्डेन्ट तपनकुमार दासले गरेका थिए ।
वि.सं.२०७६ फागुन ११ आइतवार १८:५४ मा प्रकाशित
