हामी सबैकाे संसारन्यूज

१२ फागुन, काठमाडौं । नेपाल कम्युनिष्ट पार्टी (नेकपा)का नेता भीम रावलले नेपाली मौलिक सँस्कृति विपरित प्रधानमन्त्री केपी शर्मा ओलीले जन्मदिनमा केक काटेको विषयलाई लिएर आपत्ति प्रकट गरेका छन् । सोमबार एक ट्वीट गर्दै रावलले हामीले देशलाई आमा मान्ने भएकोले काटेर खान नमिल्ने भन्दै आपत्ति प्रकट गरेका हुन् ।

उनले पार्टीको निर्णयले पनि यति धेरै रकम खर्चेर जन्मदिन मनाउन नमिल्ने बताएका छन्। समृध्दिका लागि संसारका सामु हात पसारिरहेको नेपालका प्रधानमन्त्रीले खर्चिलो गरी जन्मदिन मनाउनु असोभनिय भएको उनले बताए ।

ट्वीटरमा उनले लेखेका छन्, ‘प्रधानमन्त्रीज्यूलाई जन्मदिनको शुभकामना ! यो मनन गर्नु भने उचित हुन्छ-केक काट्ने नेपाली मौलिक सँस्कृति होइन, देशलाई हामी आमा भन्छौं, काटेर खान मिलेन, अँझ ‘समृध्दि’ का लागि संसारका सामु हात पसारिरहेको बेला अति ठूलो रकम खर्चेर जन्मदिन मनाउन मिल्दैन । पार्टी निर्णयले झनै मिल्दैन ।’