हामी सबैकाे संसारन्यूज

१७, फागुन, काठमाडौँ । एसीसी इस्टर्न रिजन टि–२० प्रतियोगिताको, नेपाल र मलेशिया बिच भएको दोस्रो खेलमा नेपाल २२ रनले पराजित भएको छ ।

टस जितेर पहिले ब्याटिङ्ग गरेको मलेशियाले २० ओभरमा ६ विकेट गुमाएर १५४ रन बनाएको थियो । मलेशियाका लागि सैयद अजीजले सर्वाधिक रन बनाएका थिए । उनी ३५ बलमा ५१ रन बनाउँदै नटआउट रहेका थिए ।

नेपालका लागि बलिङ्ग तर्फ भने सन्दिप लामिछानेले ३, अविनाश बोहराले २ र करण केसीले १ विकेट लिएका थिए ।

मलेशियाले दिएको १५५ रनको लक्ष्य नेपालले २० ओभरमा पुरा गर्न सकेन । नेपाल १९.५ ओभरमा १३२ रन बनाए अलआउट भएको थियो । नेपालका लागि सर्वाधिक रन कप्तान ज्ञानेन्द्र मल्लले बनाएका थिए । उनी ३३ बल खेल्दैँ ३८ रन बनाएर आउट भएका थिए ।