हामी सबैकाे संसारन्यूज

१९ फागुन, काठमाण्डौं । सरकारले चीनका लागि नेपाली राजदूत लिलामणि पौड्यालाई फिर्ता बोलाएको छ । उनको स्थानमा पूर्व परराष्ट्रमन्त्री महेन्द्र बहादुर पाण्डेलाई पठाउन सिफारिस गरिएको छ ।

प्रधानमन्त्री निवास वालुवाटारमा आइतबार बसेको मन्त्रिपरिषद् बैठकले पौड्याललाई १५ दिनको म्याद दिएर फिर्ता बोलाउने निर्णय गरेको हो । यसबारे अघिल्लो बैठकमा छलफल भएको थियो । उनलाई फिर्ता बोलाउनुको कारण भने खुलाईएको छैन । बैठकमा पनि यसबारे छलफल नभएको एक मन्त्रीले बताएको सोमबारको अन्नपूर्ण पोष्ट दैनिकमा समाचार छ । चीनमा कोरोना भाइरसको प्रकोप बढिरहेका बेला राजदूत पौड्याललाई फिर्ता बोलाएर नयाँ राजदूत पठाउन सिफारिस गरिएको छ । संसदीय सुनुवाइ तथा चीनको सहमतिलगायत प्रक्रियाले पाण्ेडलाई जिम्मेवारी सम्हाल्न कम्तिमा दुई महिना लाग्नेछ ।