हामी सबैकाे संसारन्यूज

१९ फागुन, काठमाण्डौं । तस्करीको करिब ३६ तोला सुन बाँडीचुँडी लिएका इन्सपेक्टरसहित १६ जना प्रहरीलाई अख्तियार दुरुपयोग अनुसन्धान आयोगले हिरासतमा राखेर छानविन अघि बढाएको छ । प्रारम्भिक छानविनमा उनीहरुले सुन लुकाएको पुष्टि भएपछि थुनामा राखेर छानविन अघि बढाइएको हो ।

सीमा प्रहरी चौकी टिमुरेका इन्चार्ज रहेका इन्सेपेक्टर खीम नेपाल सहित १६ प्रहरीमाथि छानविन भइरहेको सोमबारको नयाँपत्रिका दैनिकमा समाचार छ ।

अख्तियारकै पत्र अनुसार उनीहरुलाई प्रहरी प्रधान कार्यालयले निलम्बन समेत गरिसकेको छ ।

इन्सपेक्टर नेपाल सहित प्रहरी नायब निरीक्षक भोजबहादुर सेन ओली, प्रहरी सहायक निरीक्षक रामशरण कुमाल, प्रहरी हवल्दारहरु रामशरण रिमाल, पुरुषोत्तम खत्री, रामकाजी लामा र गोपि बहादुर तामाङलाई नियन्त्रणमा लिइएको छ ।

प्रहरी जवानहरु शिवनारायण चौधरी, युवराज खरेल, भविलाल रुम्बा, रामचन्द्र विक, रीता चौधरी, मनोज आले, छेक्यु डोल्मा मोक्तान, , ताराबहादुर प्रजा र प्रहरी कार्यालय सहयोगी हरिबहादुर श्रेष्ठ पनि अख्तिायरको हिरासतमा छन् । उनीहरु सबैलाई केहि दिनअघि नै जिम्मेवारीबाट हटाएर दंगा नियन्त्रण गण हेटौडामा राखिएको थियो । अख्तियारको पत्र अनुसार प्रहरीले उनीहरुलाई बुझाएको हो ।