हामी सबैकाे संसारन्यूज

१९ फागुन, काठमाण्डौं । पूर्वराजा ज्ञानेन्द्र शाहलाई पनि कोरोना भाइरस संक्रमण भए÷नभएको परीक्षण गरिएको छ ।

आइतबार दिल्लीबाट नेपाल फर्किएका पूर्वराजा ज्ञानेन्द्र शाह र उनको परिवारलाई त्रिभुवन अन्तराष्ट्रिय विमानस्थलमा कोरोना परीक्षण गरिएको हो ।

अन्तराष्ट्रिय विमानस्थलमा रहेका स्वास्थ्यका कर्मचारीले पहिले पूर्वराजा ज्ञानेन्द्र तथा पूर्वरानी कोमल शाहलाई शरीरको तापक्रमको जाँच गरिएको हो । विमानस्थलबाट बाहिर निस्कन लागेका शाहलाई स्वास्थ्यका कर्मचारीले बोलाएरै शरीरको तापमान परीक्षण गर्नका लागि अनुरोध गर्दा शाहले मुसुक्का मुस्कुराउँदै परीक्षण गराएका थिए ।

पूर्वरानी कोमल शाहको जन्मदिनको अवसर पारेर दुई साता अघि भारत भ्रमणमा गएका शाहको परिवार आइतबार फर्किएको हो ।

विश्वका ६४ देशमा कोरोनाको संक्रमण फैलिएपछि नेपालमा पनि त्यसको रोकथामका लागि रक्षामन्त्री इश्वर पोखरेलको संयोजकत्वमा उच्चस्तरीय कमिटि गठन गरिएको छ । साथै त्रिभुवन विमानस्थलबाट आउने जाने प्रत्येक यात्रुको स्वस्थ्य परीक्षण गरिने छ ।