हामी सबैकाे संसारन्यूज

२३ फागुन, काठमाडौं । प्रतिनिधिसभा बैठकमा कोरोना भाइरस सक्रमणविरुद्धको जरुरी सार्वजनिक महत्वको प्रस्ताव पेश भएको छ । नेपाली कांग्रेसका सांसद गगन थापाले संसदमा जरुरी सार्वजनिक महत्त्वको प्रस्ताव पेश गरेका हुन् । उनले विश्व स्वास्थ्य संगठनले नेपाललाई कोरोनाको उच्च जोखिम भएको देशमा सूचीकृत गरेको सन्दर्भमा यससँग जुध्न सरकारले तयारी गर्न ढिलाइ गर्न नहुने बताए ।

प्रस्ताव पेश गर्ने क्रममा थापाले अस्पतालको अवस्थामाथि प्रश्न समेत उठाएका छन्। थापाले पेश गरेको जरुरी सार्वजनिक पस्तावको समर्थनमा सञ्चयकुमार गौतम, दिव्यमणि राजभण्डारी, राजेन्द्रकुमार केसी र डा नारायण खड्काले समर्थन गरेका थिए। संसदमा बोल्दै अधिकांश सांसदले संक्रमण रोक्न तयारी नहुँदा जनताको असन्तुष्टि बढेको बताए ।

कोरोना संक्रमण बढ्दै जाँदा मास्को अभाव, कालोबजारीप्रति सरकारको ध्यानाकर्षण सांसदले गराएका छन्। कोरोनाप्रति सचेत हुन सरकारले नसकेको भन्दै सांसदले आपत्ति जनाएका छन्।