Sansar News
२४ फागुन, काठमाडौँ । सत्तारुढ नेपाल कम्युनिष्ट पार्टी(नेकपा) भित्र द्वन्द्व बढेर गएको छ । नेकपा पार्टी अध्यक्ष तथा प्रधानमन्त्री केपी शर्मा ओलीका निकट मानिने उपप्रधान तथा रक्षामन्त्री ईश्वर पोखरेलले सचिवालयको संस्थागत निर्णय नमान्ने चेतावनी दिएका छन् ।
निश्चित योजनाका साथ अन्र्त निर्णय गरेर विधान विपरित लादिएका निर्णय मान्न नसकिने भन्दै उनले पार्टीमा बहुमत र अल्पमतको सट्टा सहमतिय आवश्यकतालाई संस्मरण गराएका छन् ।
शनिबार साँझ कान्तिपुर टेलिभिजनसँगको प्रतिक्रियात्मक अन्तर्वातामा उनले सहमतिलाई मान्नु पर्ने पार्टीले घेराबन्दी भोग्नुपरेको समेत बताएका छन् ।
नेता वामदेव गौतमलाई राष्ट्रियसभामा पठाउने नेकपा सचिवालयको संस्थागत निर्णय समेत पुनरावलोकन गरिने बताउँदै उनले पार्टी नयाँ ढंगबाट अघि बढ्ने जनाउ दिएका छन् ।
मदन भण्डारी प्रतिष्ठानको कार्यक्रममा वरिष्ठ नेता माधव नेपालले बोलेको विषय, प्रधानमन्त्री केपी शर्मा ओलीको अडान र सुध्रिएको स्वास्थ्यस्थित सँगै नेता ईश्वर पोखरेलद्वारा आएको पछिल्लो प्रतिक्रियाबाट पूर्वमाओवादी पक्ष झस्किएको छ ।
ईश्वर पोखरेलको यो प्रतिक्रियाले नेकपा गम्भिर द्वन्द्वमा पुग्ने अड्कल गरिएको छ ।
वि.सं.२०७६ फागुन २४ शनिवार २१:०१ मा प्रकाशित
