हामी सबैकाे संसारन्यूज

२८ फागुन, जनकपुरधाम । विवाह मण्डप बनिसकेको थियो आफन्तलगायत सबै बेहुलाको प्रतीक्षामा थिए । तर, विवहाका दिन बेहुला आएनन् ।

बेहुला नआएपछि विवाह नै भाँडियो । बेहुला नआउनुको कारण थियो, केटा पक्षले मागेको दाइजो दिन नसक्नु । धनुषाको नगरायन नगरपालिकास्थित जटहीकी बेचनी सदाकी १९ वर्षीया छोरी पूजा सदाको विवाह धनुषाकै भुतही निवासी रोहित सदाका २१ वर्षीय छोरा सुशील सदासँग २५ फागुनमा हुने तय भएको थियो । तर, आर्थिक अभावका कारण बेचनीले दाइजोमा मोटरसाइकल दिन नसकेपछि सुशील सदा विवाह गर्न नै आएनन् ।

ऋण काढेर भए पनि छोरीको विवाहका लागि आवश्यक सबै तयारी पूरा गर्दा पनि विवाह नभएपछि बेचनी मारमा परेका छन् । बुधबारको राजधानी दैनिक पत्रिकाबाट

फाइल फोटो