हामी सबैकाे संसारन्यूज

२९ फागुन, काठमाडौं । समाजवादी पार्टी नेपालका सांसद प्रदीप यादव कोरोनाको संक्रमणबारे नेपाल सरकारले सूचना लुकाएको आरोप लगाएका छन् । विहीवार बसेको प्रतिनिधिसभा बैठकमा सम्बोधन गर्दै सांसद यादवले सरकार कोरोनाबारे गम्भीर नभएको आरोप पनि लगाए ।

पोखरा अन्तर्राष्ट्रिय बिमानस्थल निर्माणमा खटिएका केहि कर्मचारीमा कोरोनाको संक्रमण देखिएको सूचना आफूलाई आएको भन्दै यादवले सरकारले उक्त सूचना लुकाएको आरोप लगाए । क्वारेन्टाईनमा राखिएका ७, ८ जना चिनीयाँ कर्मचारीमा कोरोना संक्रमण देखिएकोबारे स्पष्ट धारण सार्वजनिक गर्न सरकारसँग उनले माग गरे ।

उक्त बिमानस्थलमा काम गर्ने नेपाली कामदार कोरोनाको डरले काम छोडेर घरमै बसेको उनले दाबी गरे । स्थानिय कर्मचारी पनि त्यहाँ जान नमानेकोले सरकारले त्यहाँको बस्तुस्थीति बुझेर आवश्यक तयारी गर्नुपर्ने उनको माग थियो ।