हामी सबैकाे संसारन्यूज

९ चैत, काठमाण्डौं । भारतको पटनामा कतारबाट आएका एक युवाको कोरोना संक्रमणका कारण मृत्यु भएको छ ।

भारतमा पछिल्लो पटक कोरोना भाइरस संक्रमण हुनेको सख्या बढिरहेको छ । शनिबार मात्रै २ जनाको मृत्यु भएको हो । मृत्यु हुनेमा एक ६३ वर्षका एक विमारी जो ब्लडप्रेसर, डाइबिटिज र मुटुको विरामी रहेका थिए भने शनिबार नै ३८ वर्षीय सेफ अलिको मृत्यु भएको भारतीय संचारमाध्यमले जनाएका छन् । उनी पटनाको मुंगेर वासी रहेका थिए ।

हालै मात्र कतारबाट फर्किएका उनी २० मार्चमा एम्स अस्पतालमा भर्ना भएका थिए । शनिबार मृत्यु भएका अलीको आइतबार रिर्पोट आएको थियो । जसमा कोरोना पोजेटिभ देखिएको अस्पतालले जनाएको छ । एम्समा कोरोना संक्रमणको आशंकामा ६ जनाको उपचार भइरहेको र उनीहरुको रिर्पोट आउन बाँकी रहेको बताइएको छ ।

डाइबिटिजका रोगी रहेका सेफमा किड्नीको पनि समस्या रहेको बताइएको छ । यो संगै भारतमा भाईरस संक्रमणबाट मृत्युहुनेको संख्या ६ पुगेको छ ।

त्यसैगरी कोरोना संक्रमणको बढी चपेटामा महाराष्ट परेको बताइएको छ । महाराष्ट्र राज्यमा अहिलेसम्म ७४ जनामा कोरोना भाइरस संक्रमण पोजेटिभ देखिएको छ । उनीहरुको महाराष्ट्रका विभिन्न अस्पतालमा उपचार भइरहेको छ । साथै २४ घण्टामा ६ नयाँ केस देखिएका छन् । जसमा ६ जना मुम्बई र ४ पुणेका रहेका छन् । भारतका विभिन्न राज्यमा कोरोना संक्रमितको संख्या अहिलेसम्म ३५४ पुगेको छ भने मृतकको संख्या ६ पुगेको छ ।