Sansar News
१० चैत,कैलाली । श्रीमतीलाई हथौडाले हानेर हत्या गर्ने भक्त बहादुर धामी पक्राउ परेका छन् ।
आफ्नै ६२ वर्षीया श्रीमती धारुदेवी धामीको हतौडा प्रहार गरी हत्या गरेको अभियोगमा लम्कीचुहा नगरपालिका(९ बस्ने धामीलाई शनिबार दिउँसो प्रहरीले पक्राउ गरेको हो ।
हथौडाले टाउकोमा प्रहार गर्दा गम्भीर घाइते भएकी धारुदेवीको लालरत्न अस्पताल लम्की हुँदै मेडिकल कलेज कोहलपुर बाँकेमा थप उपचारको क्रममा मृत्यु भएको हो । ईलाका प्रहरी कार्यालय लम्कीबाट खटिएको प्रहरीले भक्तबहादुरलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।
वि.सं.२०७६ चैत १० सोमवार १४:४७ मा प्रकाशित
