हामी सबैकाे संसारन्यूज

काठमाडौँ । नेपाल राष्ट्र बैंकले सहुलियतपूर्ण कर्जाका लागि ब्याज अनुदानसम्बन्धी कार्यविधि संशोधन भएको जानकारी दिँदै इजाजतपत्रप्राप्त बैंक तथा वित्तीय संस्थालाई संशोधित कार्यविधिअनुसार काम गर्न निर्देशन दिएको छ।

राष्ट्र बैंकको बैंक तथा वित्तीय संस्था नियमन विभागले बिहीबार सूचना जारी गर्दै नेपाल सरकार, अर्थ मन्त्रालयको २०८३ असार १८ गतेको मन्त्रीस्तरीय निर्णयअनुसार ‘सहुलियतपूर्ण कर्जाका लागि ब्याज अनुदानसम्बन्धी कार्यविधि’को पहिलो संशोधन स्वीकृत भएको जनाएको हो।

राष्ट्र बैंकका अनुसार संशोधित कार्यविधि समावेश गरिएको छ। सोही कार्यविधिबमोजिम आवश्यक कार्य गर्न तथा गराउन ‘क’, ‘ख’, ‘ग’ र ‘घ’ वर्गका इजाजतपत्रप्राप्त बैंक तथा वित्तीय संस्थालाई निर्देशन दिइएको छ।

नेपाल राष्ट्र बैंक ऐन, २०५८ को दफा ७९ ले दिएको अधिकार प्रयोग गरी उक्त सूचना जारी गरिएको राष्ट्र बैंकले जनाएको छ।

राष्ट्र बैंकको २०८३ साउन २८ गतेको सूचनामा संशोधित कार्यविधिअनुसार सहुलियतपूर्ण कर्जा प्रवाह तथा ब्याज अनुदानसम्बन्धी व्यवस्था कार्यान्वयन गर्न बैंक तथा वित्तीय संस्थालाई भनिएको छ।