हामी सबैकाे संसारन्यूज

१२ चैत, लन्डन । बेलायतका एक व्यापारी श्रीमतीलाई ढाटेर प्रेमिकासँग इटाली घुम्न गएका बेला कोरोना संक्रमण भएको छ ।

श्रीमतीलाई झुठ बोलेर इटाली घुम्न गएका उनलाई कोरोना संक्रमणको डर भन्दा पनि प्रेमिका लिएर घुम्न गएको श्रीमतीले थाहा पाउलिन् भन्ने डर थियो । किन कि उनले आफू केहीदिन व्यवसायको सिलसिलामा लन्डनमै घरबाहिर रहनुपर्ने भनेर श्रीमतीलाई ढाँटेर प्रेमिका सहित इटाली घुम्न पुगेका थिए ।

इटालीबाट फर्किएपछि कोरोना संक्रमण भएका उनले कोरोना संक्रमण लन्डनमै बाहिर रहेका बेला भएको भनेर श्रीमतीसँग झुठ बोलेका थिए । तर, डाक्टरको अगाडि भने उनले झुठ बोल्न सकेनन् । डाक्टरले पछिल्लो समय उनको यात्राको बारेमा सोधपुछ गरेपछि इटाली गएको र त्यहाँ कोरोना संक्रमण भएको सत्य बताएका थिए । तर, उनले डाक्टरलाई आफ्नो प्रेमिकाको बारेमा भने जानकारी दिएनन् । ती विजनेस म्यानले प्रेमिकाका बारेमा जानकारी दिँदा उक्त खबर श्रीमतीसम्म पुग्ने डरले प्रेमिकाका बारेमा नबताएको अन्तराष्ट्रिय संचार माध्यमले लेखेका छन् ।

हाल उनकी पत्नि पनि १४ दिनको आइसोलेसनमा रहेकी छन् भने डाक्टरहरुले ती व्यक्ति इटालीबाट फर्किएपछि को–को सँग भेटे र उनीहरुको स्वास्थ्य स्थिति कस्तो रहेको छ भन्ने खोजि गरिरहेको बताइएको छ । फाइल फोटो