Sansar News
१२ चैत, काठमाण्डौं । स्वास्थ्यमन्त्री भानुभक्त ढकालले आज कोरोना संक्रमण पुष्टि भएका युवा कतारबाट आएको जानकारी दिएका छन् ।
स्वास्थ्य मन्त्रालयमा बुधबार आयोजित पत्रकार सम्मेलनमा मन्त्री ढकालले ती युवा चैत ६ गते कतारबाट नेपाल आएको जानकारी दिएका छन् ।
धादिङका ती ३२ वर्षीय युवा कतारबाट काठमाण्डौं आएपछि होटलमा बसेको र स्वास्थ्यमा समस्या देखिए पछि मंगलबार टेकु अस्पतालमा भर्ना भएको जानकारी दिएका छन् ।
यसैबीच स्वास्थ्यमन्त्री ढकालले कोरोनाको लक्षण देखिएमा नलुकाई आफ्नो नजिकको स्वासथ्य संस्थामा गएर परीक्षण गराउन पनि अनुरोध गरेका छन् ।
वि.सं.२०७६ चैत १२ बुधवार १६:४७ मा प्रकाशित
