हामी सबैकाे संसारन्यूज

१३ चैत्र, काठमाडौँ । नेपाली काँग्रेसका नेता ऋषिकेश जंग शाहले सरकारलाई गम्भिर बन्न आग्रह गर्दै सुझावहरु दिएका छन् । यो बेला आफ्नो क्षमता प्रर्दशन गर्ने बेला भएको भन्दै उनले सरकारलाई सर्तक समेत गराएका छन् । उनले भनेका छन् ‘तपाईहरू फेल भयो भने देश फेल हुन सक्छ ।’

उनले सरकारलाई दिएको सुझाव यस्तो छ :
सरकारलाई विनम्र सुझाव, सरकार संचालन गर्ने सल्लाहकारज्यूहरू, तपाईहरूले देश बन्द गरेको बेला
देशमा जनतालाई आऊने समस्याहरू के के हुन सक्छन सुची तयार गर्नुहोस अनि समाधानका उपायहरू, लिपिबद्ध बनाएर राख्नुस । आफनो योग्यता देखाउनूस । तपाईहरू फेल भयो भने देश फेल हुन सक्छ ।

समस्या न १

सबै तिर बन्द छ । केहि दिनमा घर भित्र चामल दाल ग्यास सकिने छ। सहरमा आपूर्ति व्यवस्था सुचारु गर्ने बारे योजना बनाउनुस् ।

समस्या न २

देश कोरानाका कारण बन्द छ। सहर बजार पसल सबै बन्द छ । रिचार्ज कार्ड छैन । एकआपसमा सम्पर्क गर्नु जनताको आबस्यकता र अधिकार हो । त्यसैले यो संकट अवधिभर जनतालाई पूर्ण रूपले संचार सेवा निःशुल्क उपलब्ध गराउनुस । यो संकटको बेला आफ्ना मालिकहरूसँग व्यापार गर्न मिल्दैन । यो अनुरोध हैन जनताको आदेश हो ।