हामी सबैकाे संसारन्यूज

१३ चैत्र । संसारभर महामारीको रुपमा फैलिएको कोरोना भाइरस(कोभिड १९) बारे विभिन्न देशमा रहेका नेपालीहरुले आफ्नो अवस्थाबारे जानकारी गराइरहेका छन् । यसैक्रममा दक्षिण अमेरिकी मुलुक चिलिमा नेपालीहरु सुरक्षित रहेको जनाइएको छ । मानृभूमिका लागि नेपाली राष्ट्रिय समिति सान्तिएगो दे चिलीका संयोजक सरोज अर्यालले चिलीमा रहेका नेपालीहरु सुरक्षित रहेको जनाएका हुन् ।

प्रैस विज्ञप्ती जारी गर्दै संयोजक अर्यालले अहिलेसम्म नेपाली मुलका कुनै पनि नागरिक कोरोना भाइरसबाट संक्रमित नभएको जानकारी दिएका हुन् ।

आ–आफ्नो ठाउँमा सुरक्षित रहन र समस्या आइपरेको खण्डमा सम्बन्धित देशमा रहेको नेपाली कुटनीतिक निकाय, स्थानीय सामाजिक संघसंस्था अथा नजिकका नेपाली नागरिकलाई सम्पर्क गर्न अनुरोध गर्दै उनले समितिको तर्फबाट विनोद केसी(५६–९८२८२७७८२) र सरोज अर्याल (५६–९३६११७००६)मा सम्पर्क गर्न अनुरोध गरेका छन् ।

विज्ञप्तीमा कोरोना भाइरसविरुद्ध सावधानी अपनाउन नेपाल सरकारले अपनाएका कदमहरु स्वागत योग्य भएको भन्दै समर्थन जनाइएको छ । साथै सरकारले चालेका कदमलाई सहयोग गर्न समेत अनुरोध गरिएको छ ।