Sansar News
१४ चैत, भारत । भारतमा कोरोना भाइरसको संक्रमणबाट अहिलेसम्म २१ जनाको मृत्यु भएको छ । भारतमा विहिबार मात्रै ६ जनाको मृत्यु भएको र शुक्रबार १ गरी मृतकको संख्या २१ पुगेको हो ।
त्यसैगरी वल्डोमिटरका अनुसार भारतमा संक्रमितको संख्या ८ सय ६३ पुगेको छ । शुक्रबार ३९ वटा नयाँ संक्रमित फेला परेका हुन् । ती सबै केरला राज्यका हुन् । केरला राज्यमा मात्रै अहिलेसम्म संक्रमितको संख्या १७६ पुगेको छ ।
शुक्रबार कर्णाटकको तुमकुरमा ६५ वर्षीय व्यक्तिको मृत्यु भएको हो । उनी ५ मार्चमा दिल्ली पुगेर ११ मार्चमा कर्णाटक फर्किएका थिए । हालसम्म ६६ जना संक्रमित निको भएर घर फर्किएको पनि बताइएको छ ।
११ चैतसम्म ११ जनाको मृत्यु भएमा ३ दिनमै थप ११ जनाको मृत्यु भएको हो । यससँगै मृतकको संख्या २१ पुगेको छ ।
वि.सं.२०७६ चैत १४ शुक्रवार २०:३२ मा प्रकाशित
