हामी सबैकाे संसारन्यूज

कोरोना भाइरसको संक्रमण भएर अस्पतालमा उपाचार गरिरहेका बरिष्ठ भिडियोग्राफर शम्भु मोक्तान स्वस्थमा सुधार भई घर फर्केका छन् ।
एक हप्ता अस्पतालको उपचारपछि उनी आज साडे १० बजे डिस्चार्ज भएर घर फर्केका छन । ‘भगवानको कृपा र मेरो स्वस्थ्य लाभ होस् भनेर सबैले गरेको प्रार्थनाले मेरो स्वस्थ सुधार भई घर फर्केको छु’ कोरोना लागेर उपचारपछि घरमा पुगे वित्तिकै मोक्तानले आफ्नो अनुभव यसरी सुनाएका छन् ।

‘ढाका क्लबमा भएको विहेपाटीनै मेरो अन्तिम कार्यक्रम थियो । त्यसपछि अब कार्यक्रममा नजाने घरमै बस्ने भनेर निर्णय गरेका थिए । घर बसेको भोलिपल्ट अलि अलि जीउ दुख्न थाल्यो । त्यसपछि दिनप्रतिदिन जीउ दुख्ने, ज्वारो, हाछ्युँ र खोक्न थालेपछि सिडिएमए क्लिनिमा गएर जाँच गरे । एक हप्ता जति टयानल र औषधी खाएर घरमै विताए । त्यसपछि निमोनिया हुनका साथै एक्कासी सास फेर्न अतिनै गारो हुन थालेपछि अस्पताल गए । त्यतिखेर मुखबाट बोली निस्कन निकै कठिन भइरहेको थियो । अस्पतालमा पुग्ने वित्तिकै कोरोना भएको पुष्टि गरियो ।

सास फेर्न निकै कठिन हुनुका साथै बोल्न सकिन्नथ्यो । अस्पतालमा जाँच गरेको केही दिनपछि फोन चलाउन मन लाग्यो । फोनमा धेरै मिसकलहरु आएको रहेछ । धेरै म्यासेजहरु पनि आएको रहेछ । त्यतिखेर सम्म परिवार र नजिकका आफन्तहरुलाई बाहेक कसैलाई पनि थाहा थिएन मलाई कोरोना लागेको भन्ने कुरा । मैले पनि कसैलाई सुनाएको थिएन । फोन आउदा पनि कसैसँग बोल्न सक्दैनथेँ । । त्यतिखेर मनमा ३० प्रतिशत अब मर्छु होला भन्ने लागेपनि ७० प्रतिशत मर्दिन बाच्छु भन्ने लागिरहेको थियो ।

मनमा परिवारको बारे अनेक चिन्ता र सोचाईहरु आउथ्यो तैपनि आफुले आफैलाई सम्हाल्दै धैर्य गरेर बसे । त्यतिबेला मनमा म मात्र होइन कैयो विरामीहरु यतिबेला अस्पतालको शैथ्यामा जीवन र मृत्युको दोसाधमा संघर्ष गरिरहेको महसुस गरे । अब मैले आफु कोरोना संक्रमित भएको सवैलाई जानकारी दिएमा अरुलाई पनि फाइदा हुन्छ की भन्ने मनमा लागेर आफनो तस्विर खिचेर आफनो बारेमा सार्वजनिक गरे । त्यो गर्नुको कारण आफु त कोरोना लागेर यहा पुग्यो अरुहरु नलागेकोहरु कोही बाहिर ननिस्कोस् अरुहरु सुरक्षित होस् भन्नुको साथै आफनो स्वस्थ्य लाभको लागि पनि प्रर्थनाको आशा गदै मैले सार्वजनिक गरेको थियो । भगवानको कृपा र सवैले मप्रति गरेको प्रर्थनाकै कारण मेरो स्वास्थ्यमा क्रमिक रुपमा सुधार हुदै आएपछि चिकित्सकको राय अनुसार आज घर आइपुगियो । यतिखेर मैले कोरोनालाई जितेको महसुस भइरहेको छु ।

अहिलेको यो कोरोना महामारिमा तपाईहरु कोही पनि बाहिर नजानुस् । साधारण रुघाखोकी लाग्यो भनेर आत्तिनु हुदैन । जीउ दुख्यो र रुघाखोकी लाग्दैमा कोरोना लाग्यो की भनेर अस्पतालमा जानु हुदैन । अलि अलि सन्चो हुदै अस्पतालमा गएमा निरोगी पनि रोगी हुन सक्छ । श्वासप्रश्वासमा एकदमै कठिन भयो भने मात्र तुरुन्तै अस्पताल जानु पर्ने रहेछ । कोरोनानै लागेपनि आत्तिनु हुदैन । रोगप्रतिरोधात्मक क्षमता बलियो हुनेले कोरोनालाई सजिलै जित्ने रहेछ । कोरोनाबाट गम्भिर विरामी भएकोहरु पनि वेलैमा उपचार पाएमा बाँच्ने रहेछ ।’
जनचेतनाका लागि एभरेष्ट टाइम्स न्युजबाट लिइएको हो ।