हामी सबैकाे संसारन्यूज

१७ चैत, काठमाडौँ । क्रिकेट कमेंटटेर हर्षा भोगलेले भारतीय क्रिकेट टिमका पूर्वकप्तान महेन्द्र सिंह धोनीको बारेमा ठुलो बयान दिएका छन । उनका अनुसार २०२० को आईपिएल रद्ध भएमा महेन्द्र सिंह धोनीले फेरी भारतीय क्रिकेट टिमबाट खेल्ने मौका पाउने छैनन ।

पूर्वकप्तान महेन्द्र सिंह धोनीले जुलाईमा न्यूजिल्याण्ड विरुद्धको एकदिवसीय वल्ड कपमा अन्तिम खेल खेलेका थिए । त्यस खेलमा भारत न्युजिल्याण्डसँग पराजित भएको थियो । त्यस खेल पछि महेन्द्र सिंह धोनी भारतीय क्रिकेट टिममा पर्न सकेका छैनन ।

भारतीय क्रिकेट कंन्ट्रोल र्बोड बिसीसीआईले पनि धोनीलाई सेंन्ट्रल कन्ट्र्याक्टको सुचिबाट बाहिर हटाएको थियो । त्यसपछि धोनीले सन्यास लिन्छन भन्ने चर्चा विश्व क्रिकेट जगतमा चलिरहेको छ ।

धोनीको आईपिएलको प्रदशन हेरेर उनी २०२० को टि–२० वल्ड कपको टिममा पर्ने नपर्ने भनेर सुनिश्चीत हुनेछ भनेर भारतीय क्रिकेट टिमका हेड कोच रबि शास्त्रीले पनि एक अन्तर्वातामा भनेका छन ।

त्यसैगरी क्रिकेट कमेंटटर हर्षा भोगलेले पनि धोनीका लागि भारतीय क्रिकेट टिममा र्फकने आईपिएलको प्रदशन मात्र एक अन्तिम मौका रहेको बताएका छन । टि–२० वल्ड कपमा धानी नपरेतापनि उनले चेन्नाई सुपर किंग्सबाट भने खेलिरहने छन भनेर हर्षा भोगलेले एक अन्तर्वार्तामा भनेका छन ।

२०२० को आईपिएल कोरोना भाइरसको त्रासले गर्दा १५ अप्रिल सम्मको लागि रद्ध गरिएको छ ।