हामी सबैकाे संसारन्यूज

सिन्धुपाल्चोकको चीनसँगको सीमावर्ती क्षेत्र न्यालमस्थित झिम्मु पोस्ट नजिकै ठूलो पहिरो खस्दा भोटेकोशी नदीको बहाव प्रभावित भएको छ। भोटेकोशी गाउँपालिकाका अध्यक्ष पासाङ नोर्बु शेर्पाका अनुसार बिहीबार बिहान भोटेकोशी गाउँपालिका–२, लिपिङको पारिपट्टि चीनतर्फको क्षेत्रमा ढुङ्गामाटोसहितको पहिरो खसेको हो।

भोटेकोसी गाउँपालिकाका अध्यक्ष पासाङ नोर्बु शेर्पाका अनुसार आज बिहान भोटेकोशी गाउँपालिका–२, लिपिङको पारिपट्टि चीनतर्फको क्षेत्रमा ढुङ्गामाटोसहितको पहिरो खसेको हो।

पहिरोका कारण चीनबाट नेपालतर्फ बग्ने भोटेकोशी नदीको बहाव करिब आधाजति थुनिएको जनाइएको छ। नदीको बहाव प्रभावित भएपछि जुनसुकै बेला विपद्जन्य घटना निम्तिन सक्ने सम्भावना रहेको भन्दै अध्यक्ष शेर्पाले तल्लो तटीय क्षेत्रमा उच्च सतर्कता अपनाउन आग्रह गरेका छन्।

सम्भावित जोखिमलाई ध्यानमा राख्दै विशेषगरी भोटेकोशी, बाह्रबीसे र बलेफी गाउँपालिकाअन्तर्गत नदी तटीय क्षेत्रमा बसोबास गर्ने स्थानीयलाई सतर्क रहन अनुरोध गरिएको छ। सशस्त्र प्रहरी बल लामोसाँघुले नदी किनार तथा जोखिमयुक्त क्षेत्रमा नजान र सम्भावित विपद्बाट सुरक्षित रहन स्थानीयवासीलाई आग्रह गरेको छ।