Logo
२२ मंसिर २०७८, बुधबार
     Wed Dec 8 2021
E-paper
  English Edition
   Unicode
Logo

यमन आत्मघाती हमलामा मृत्यु हुनेको सङ्ख्या चालिस पुग्यो



४ पुस, एडेन । यमनको दक्षिणी सहर एडेनमा आइतबार आफ्नो तलव बुझ्न सैनिक आधार शिविरमा जम्मा भएका सुरक्षाकर्मीकोे एक समूहलाई लक्षित गरी गराइएको आत्मघाती बम हमलामा परी मृत्यु हुनेको सङ्ख्या ४० पुगेको सैन्य र स्वास्थ्य अधिकारीहरूले जानकारी गराएका छन् ।

अल एरिस जिल्लामा अवस्थित अल सव्लाबा शिविरमा जम्मा भएका सैनिकहरूको बीचमा घुसेर आत्मघाती आक्रमणकारीले विस्फोट गराएको जनाइएको छ ।

आक्रमणमा परी अन्य ५० जनाभन्दा बढी मानिस घाइते भएका स्रोतले जानकारी दिएको छ । केही घाइतेको अवस्था अत्यन्तै गम्भीर देखिएको भन्दै मृतकको सङ्ख्यामा अझै बढ्नसक्ने बताइएको छ ।

एडेनमै इस्लामिक स्टेट –आईएस) जिहादी समूहले जिम्मा लिएको आत्मघाती आक्रमणमा ४८ जनाको मृत्यु हुनुका साथै अन्य २९ जना घाइते भएको एक घटनाको आठ दिनपछि पुनः सैनिक लक्षित अर्को आत्मघाती बम हमला भएको हो ।

यमनी अधिकारीहरूले यस युद्धग्रस्त देशको दक्षिणी तथा पूर्वी क्षेत्रमा गतिविधि बढाइरहेका जिहादीविरुद्ध तीव्र कारबाही सुरु गरेका छन् ।

सरकार र यमनको हुथी विद्रोहीबीचको द्वन्द्वको कारण आईएस र अल कायदा विद्रोहीहरूले यस क्षेत्रलाई आफ्नो आश्रय स्थल बनाउँदै आएका छन् । साउदी अरेबियासँग आवद्ध गठबन्धन सेनाले सन् २०१५ को मार्च महिनाबाट हुथी विद्रोहीविरुद्ध कारबाही जारी राखेका छन् ।

यमनमा जारी द्वन्द्वमा परी सात हजारभन्दा बढी व्यक्ति मारिएका छन् र यसमा अधिकांश सर्वसाधारण रहेका छन् । एएफपी


यो खबर पढेर तपाईलाई कस्तो महसुस भयो ?

काठमाडौं । स्वावलम्बन लघुवित्त वित्तीय संस्था लिमिटेडका कर्मचारीहरु गत साउन २५ देखि निरन्तर आन्दोलनमा

काठमाडौं । नेपाली बजारमा सुनको भाउमा तिब्र उतारचढाव आइरहेको छ । सोमबारको बजारमा प्रतितोला

काठमाडौं । जनवादी गायक जीवन शर्माको एउटा तस्बिर अहिले सामाजिक सञ्जालमा भाइरल छ ।