हामी सबैकाे संसारन्यूज

२५ चैत्र, काठमाडौँ । विभिन्न देशबाट फर्किएका मुलुकभर हाल ९ हजार १ सय ६८ जनालाई क्वारेण्टाइनमा राखिएको बताइएको छ । प्रधानमन्त्री केपी शर्मा ओलिले आज बिहान राष्ट्रका नाममा सम्बोधन गर्ने क्रममा सो कुराको जानकारी दिएका हुन् ।

सम्बोधनका क्रममा उनले अहिले देशभर ३० हजार ५ सय ६६ जनालाई राख्न सकिने गरी क्वारेण्टाइन केन्द्रको व्यवस्था गरिएको पनि उनले जानकारी दिए । ३ हजार २ सय ५९ जना राख्न सक्ने क्षमताको आइसोलेशन वेड तयार गरिएको हाल त्यहाँ ९५ जना उपचारत रहेको उनले बताए ।

यस अवधिमा सातै प्रदेशबाट पोलिमरेज चेन रियाक्सन (पिसिआर) प्रविधिबाट परीक्षण शुरु गरिएको र हिजो सोमबार सम्म १ हजार ८ सय ९० जनाको परीक्षण गरिसकिएको बताए ।

सातै प्रदेशका १० परीक्षण केन्द्रबाट परीक्षणलाई तीव्रता दिनुका साथै सङ्क्रमणको उच्च जोखिममा रहेका जिल्लाहरुमा द्रूत परीक्षण (¥यापिड डिटेक्सन टेस्ट–आरडिटी) विधि मार्फत् हजारौंको नमूना परीक्षणको तयारी अगाडि बढाइएको बताउँदै उनले सातै प्रदेशमा, उपचारमा आवश्यक पर्ने पर्सनल प्रोटेक्टीभ इक्वीपमेण्ट (पीपीई) पूरा सेट– १ हजार ४८ थान, गाउन– ११ हजार ८ सय १९ थान, एन ९५ मास्क– ४ हजार ३४५ थान, मास्क– ५ लाख ६५ हजार २६१ थान सहित आवश्यक विभिन्न स्वास्थ्य सामग्रीहरुको व्यवस्था गरिएको जानकारी गराएका थिए ।

भेण्टिलेटरसहित अपुग स्वास्थ्य सामग्री तथा उपकरणको थप प्रबन्ध गरिँदै गरिएको र सरकार सकभर सङ्क्रमण फैलिन नदिन र फैलिहालेको अवस्थामा पनि त्यसलाई नियन्त्रण गर्न पूर्ण तयारीमा जुटेको पनि उनले बताए ।