हामी सबैकाे संसारन्यूज

२९ चैत्र, काठमाडौँ । गैरआवासीय नेपाली संघले कोरियाबाट आइपुगेका पिपिइ सामान आज दिउँसो २.०० बजे सरकारलाई बुझाउँदैछ ।

नेपाल सरकारलाई प्रदान गर्न लागेको करिब १ करोड रुपैँया बराबरको कोभिड– १९ सामग्री शुक्रबार दिउँसो नेपाल आईपुगेका थिए भने भने, बाँकि १ करोडको सामग्री आइतबार आइपुग्ने बताइएको छ ।

गैरआवासीय नेपाली संघ कोरियाको संयोजनमा कोरियाबासी नेपालीहरुको सहयोगबाट ४००० थान कोरोना जाँच उपकरण र ५०० थान पिपिई सेट शुक्रबार नेपाल आई पुगेको हो । ती सामाग्रीलाई आज औपचारिकरुपमा नेपाल सरकारलाई हस्तान्तरण गरिन लागिएको हो ।

गैरआवासीय नेपाली संघ कोरिया, चाईना, मकाउ, हङ्कङ्गबाट सहयोग प्राप्त सामाग्रीहरु यदि पूर्व निर्धारित कार्गो उडान रद्द भएन भने चीनबाट आइतबार नेपाल पुग्ने महासचिव डा हेमराज शर्माले जानकारी दिए ।

ती सामग्रीहरुमा ज्वरो नाप्ने आईआर थर्मोमिटर ५५० थान, चश्मा २००० थान, फेससिल २००० थान, केएन(९५ माक्स १७४०० थान, डिस्पोजेबल माक्स ४७००० थान, ग्लब ४००० थान, पिपिई गाउन २००० थान रहेका छन्।

हस्तान्तरण गरिएका स्वास्थ्य सामाग्री सहि ठाँउमा उपयोग होस् र कुनै दुरुपयोग नहोस् भन्ने उद्देश्यले गैरआवासीय नेपाली अभियन्ता तथा समाजसेवी रुद्र शर्माको संयोजकत्वमा ५ सदस्य अनुगमन समिती समेत गठन गरिएको जनाइएको छ।

गैर आवासीय नेपाली संघ– ल्च्ल्ब् दक्षिण कोरियाको संयोजन तथा स्वतन्त्र अभियान्ताहरुको सहकार्यमा र कोरियाबासी नेपाली समुदायको संघ संस्थाहरुको एक्यवद्धता र पहलमा कोरियामा रहेका नेपालीहरुको सहयोग र साथमा अभियान शुरु गरिएको थियो। अभियान शुरु गरेको ४ दिनमै १४ करोड २६ लाख ३७ हजार ७७९ वोन संकलन भएको थियो।

शुक्रबार नै संघले ५० थान पिपिई नेपाल सरकारका ४ वटा अस्पताल राप्ती स्वास्थ्य विज्ञान प्रतिष्ठान १५ थान, त्रिशुली अस्पताल, नुवाकोट ५ थान, धौलागिरी अंचल अस्पताल २२ थान र पर्वत जिल्ला अस्पताललाई ८ थान हस्तान्तरण गरेको पनि महासचिव डा शर्माले बताए ।