हामी सबैकाे संसारन्यूज

२९ चैत्र काठमाडौं । कर्मचारी संचय कोषले आफ्ना ऋणिहरुलाई ब्याजमा छुट दिने घोषणा गरेको छ । आफ्ना संचयकर्ताले कोषबाट घर सापटी, घर मर्मत, शैक्षिक र सरल कर्जा प्रबाह गरेको छ ।

कोषले प्रबाह गरेको कर्जाको  समयाबधि बढाउनुको साथै ब्याजमा पनि १० प्रतिशत घटाउने जनाएको हो । त्यस्तै सापटिको अबधि पनि साउन मसान्तसम्म पुर्याउने निर्णय भएको प्रशासक राजेन्द्र काफ्लेद्वारा जारी गरिएको विज्ञप्तिमा जनाईएको छ ।

विश्वव्यापि माहामारीको रुपमा फैलिरहेको कोरोना भाइरसको प्रभाबका कारण आफना सेवाग्रहिहरुले ब्याजमा १० प्रतिशत छुट पाउने र सापटिको म्याद असार मसान्तबाट साउन मसान्तसम्म थप गर्ने निर्णय भएको कोषको भनाई छ ।

त्यस्तै नियमित संचयकोष कट्टा गरिरहेका संचयकर्ताको कोरोनाका संक्रमणका कारण निधन भएको खण्डमा त्यसलाई दुर्घटना मानि मृतकका आश्रित परिवारलाई २ लाख क्षतिपुर्ति दिने निर्णय पनि गरेको जनाएको छ ।