हामी सबैकाे संसारन्यूज

३० चैत, साइप्रस। गैरआवासीय नेपाली संघ राष्ट्रिय समन्वय परिषद् (एनआरएनए) साइप्रसले कोरोना भाइरसले प्रभावित नेपाली विद्यार्थीहरुका लागि राहत वितरण गरेको छ ।

कोरोनाको रोकथाम तथा नियन्त्रणका लागि साइप्रसमा लकडाउन गरिएको अवस्थामा विद्यार्थीको समस्यालाई मध्यनजर गर्दै गैर परिषद्को संयोजकत्व र सम्बन्धित संघ संस्थाहरुको सहकार्यमा राहत वितरण गरिएको परिषद्का महासचिव कृप थापाले बताएका छन् ।

परिषद्ले १० र ११ अप्रिलमा पाफोस र लिमासोलमा राहत वितरण गरेको हो । यस क्रममा राहतका लागि सहयोग गरेका खगेन्द्र राना मगर, राजन श्रेष्ठ ,ईश्वर थापाका साथै दिनरात नभनी खटिरहेका परिषद्का प्रमुख संरक्षक सुवास मल्ल र युवा प्रतिनिधि कुन्दन कार्कीलाई परिषद्ले धन्यवाद व्यक्त गरेको छ ।