हामी सबैकाे संसारन्यूज

२ बैशाख, जापान । जापानमा कोरोना भाइरस (कोभिड-१९) संक्रमणको जोखिम र जापान सरकारले ७ अप्रिलदेखि ६ मईसम्म टोकियो लगायत ९ वटा प्रिफेक्चरहरुमा स्टेट इमरजेन्सी घोषणा गरिएको जानकारी दिँदै जापानस्थित नेपाली दूतावासले यस्तो परिस्थितिमा सहजरुपमा सेवा उपलब्ध गराउन नसकिने भन्दै सार्वजनिक सूचना जारी गरेको छ ।

‘यसप्रकारको विषम परिस्थितिमा दूतावासबाट विभिन्न कामका सिलसिलामा आउनुहुने नेपाली दिदीबहिनी तथा दाजुभाइहरु एवं विदेशीहरुलाई सहजरुपमा सेवा उपलब्ध गराउन नसकिने भएको हुँदा अर्को सूचना नभएसम्मका लागि राजदूतावासबाट प्रदान हुने सबै सेवाहरु स्थगित गरिएको व्यहोरा सबैको जानकारीका लागि यो सूचना प्रकाशित गरिएको छ ।’ दूतावासद्धारा जारी सूचनामा भनिएको छ ।

दूतावासले विभिन्न नम्बरका टेलिफोन तथा इमेलमा सम्पर्क गर्न अनुरोध गर्दै राहदानीका लागि फारम बुझाउने र राहदानी लिने, यात्रा अनुमतिपत्र बनाउने कागजात प्रमाणिकरण,अविवाहिताको प्रमाणपत्र, जन्मदर्ता प्रमाणपत्र, नाता सम्बन्ध प्रमाणपत्र, सवारी चालक अनुमति पत्र, अधिकृत वारेशनामा प्रमाणिकरण, हस्ताक्षर प्रमाणिकरण लगायतका सम्पूर्ण कागजात प्रमाणिकरण) भिषा सम्बन्धी कार्य अर्को सूचना जारी नभएसम्मका लागि स्थगित गरिएको दूतावासले बताएको छ ।