हामी सबैकाे संसारन्यूज

३ बैशाख, सुर्खेत । सामाजिक संजालमार्फत् कोरोना भाइरस संक्रमित भेटिएको भन्दै अफवाह फैलाएको अभियोगमा दैलेखका प्रेम बिकलाई प्रहरीले पक्राउ गरेको छ ।
लेकबेसी नगरपालिका–१ लेकफर्सास्थित आफ्नै ससुराली घरमा बस्दै आएका दैलेख नौमुले नगरपालिका–३ घर भएका २१ वर्षीय प्रेम बिकलाई बुधबार दिउँसो प्रहरीले पक्राउ गरेको हो ।

बिकले आफ्नो फेसबुक स्टाटसमा सुर्खेतमा १ जना कोरोना संक्रमित ब्यक्ति देखिएको भनि तथ्यहीन र भ्रामक प्रचार गरी अफवाह फैलाई जनमानसमा डर त्रास फैलाउने काम गरेको पाइएपश्चात ईलाका प्रहरी कार्यालय लेकबेसीबाट खटिएको टोलीले उनलाई पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको प्रहरीले जनाएको छ ।