हामी सबैकाे संसारन्यूज

४ बैशाख, बहराइन । बहराइनमा कोरोना भाइरस कोभिड १० संक्रमित मध्ये ९० प्रतिशत आप्रवासी रहेको त्यहाँका संचारमाध्यमले जनाएका छन् ।

बहराइनमा अहिले डरलाग्दो र अप्ठेरो परिस्थिति रहेको र यो कहिले सामान्य हुन्छ भन्ने भन्न सकिने अवस्था नरहेको नेप्लीज वेलफेयर सोसाइटी बहराइने बताएको छ ।
यसले विश्वमा धैरै धनजनको क्षति भएको र बहराइनमा पनि हालसम्म १ हजार भन्दा बढी संक्रमित भएकोमा ९० प्रतिशतको संख्यामा बाहिर देशबाट रोजगारीका लागि आउने कामदार रहेको त्यहाँस्थित संमाचार श्रोतहरुले जनाएको सोसाइटीले जानकारी दिएको छ ।

यस्तो परिस्थितिमा वास्तविक अप्ठेरोमा परेका नेपालीलाई सहयोग पुर्याउन इमान्दारीताका साथ भूमिका खेल्ने बताउँदै सोसाइटीले भनेको छ ‘यदी कोही अप्ठेरो परिस्थितिमा हुनुुहुन्छ भने कृपया तुरुन्त नेपाली दूतावास बहराइन अथवा नेप्लीज वेलफेयर सोसाइटी बहराइनको जो कोहि प्रतिनिधि समक्ष यथाशिघ्र सम्पर्क गरी जानकारी गराउनु हुन हार्दिक अनुरोध गर्दछौं ।’

सोसाइटीका अध्यक्ष नारायण रपाल विश्वकर्मा र महासचिव विरेन्द्र बुढाथोकीद्धारा विहिबार जारी विज्ञप्तिमा यदि स्वास्थ्य सम्बन्धी कुनै समस्या देखिएमा तुरुन्त मेडिकल हटलाइन ४४४ मा सम्पर्क गर्न समेत सबै नेपालीलाई अनुरोध गरिएको छ ।

जसमा नेपाली दूतावासको नम्बर १७७२५५८३, ३२०९५०४१, ३४१६११३६ तथा सोसाइटीको ३६९९९८२९, ३६१६५६३०,३७७९८१३६, ३६८१७५५७,३८४०२११२, ६६९०७०९४ र ३६७३९४३३ मा सम्पर्क गर्न अनुरोध गरिएको छ ।