हामी सबैकाे संसारन्यूज

२२ अप्रिल । नेदरल्याण्ड्सले लकडाउनलाई क्रमिक रुपमा खुला गर्ने रणनिती सुरु गर्ने भएको छ ।

नेदरल्याण्ड्सका प्रधानमन्त्री मार्क रुटले (Mark Rutte) २१ अप्रिल २०२० आयोजित प्रेस कन्फरेन्समा बोल्दै लकडाउनलाई क्रमिक रुपमा खोल्दै लैजाने उधेश्य स्वरुप आगामी ११ मे २०२० देखि प्राथमिक बिद्यालयहरु खुला गर्ने निर्णय सार्वजनिक गरेको नेपाल विकास प्रतिष्ठानको अध्यक्ष तथा गैर आवासीय नेपाली संघ नेदरल्याण्ड्सका संस्थापक अध्यक्ष समाजसेवी शशि पौड्यालले जानकारी दिएका छन्।

प्रधानमन्त्री मार्कले शुरुको समयमा बालबालिकाहरु हप्ताको ५० प्रतिशत मात्रै स्कुल जाने र सकरात्मक परीणाम देखिएमा हप्ताको पाचै दिन खुलाउन सकिने जानकारी गराएको पनि पौडेलले बताए । उनका अनुसार माध्यमिक बिद्यालयको हकमा भने १ जुन २०२० बाट मात्र खोलिने र डेढ मिटरको दुरिमा शिक्षण गराइने निर्णय गरिएको छ ।

त्यस्तै खेलकुद सम्बन्धमा १२ वर्ष सम्मका वालवालिकहरु सार्वजानिक क्षेत्रमा डेढ मिटरको दुरि लागु नगरि खेल्न र खेलकुद गर्न पाउने गरी खुला गरिएको छ । १२ देखि १८ वर्षका वालवालिका हरुले डेड मिटरको दुरीलाई पालना गरी सर्वजानिक क्षेत्रमा खेलकुद गर्न पाउने निर्णय भएको छ । यद्यपी फुट्बल र ठुलाठुला कार्यक्रम (event) भने १ सेप्टेम्बर २०२० सम्म खुला नहुने भएको छ ।

होटेल रेस्टुराँ ब्यवसाय  (HORECA)को लागि १ जुन २०२० सम्म पुरानै नियम लागु हुने भनिएको छ भने अन्य व्यवसायहरुको लागि पनि कुनै परिवर्तन नगरिएको बताइएको छ । सर्वसाधारणका लागि पनि पुरानै नियमहरु कायम रहने भनिएको छ । फलस्वरुप बाहिर घुमफिर गर्न पाइने छ तर डेढ मिटरको दुरीलाई कायम राख्नुपर्ने र रुघा, खोकी, ज्वरो आएका ब्यक्तिहरु भने घर भित्रै बस्नु पर्ने पुन जानकारी गरिएको छ ।
१ जुन २०२० भन्दा अगावै लकडाउनलाई सकेसम्म बिस्तारै खुलाउँदै लैजाने प्रतिबद्धता पनि व्यक्त गरिएको छ । सो कुराको जानकारी प्रधान मन्त्रीको अर्को प्रेस कन्फरेन्स आयोजना गरि बताइने भनिएको छ ।