Sansar News
१० वैशाख,काठमाडौँ । प्रधानमन्त्री एवम् नेपाल कम्युनिष्ट पार्टी (नेकपा ) का अध्यक्ष केपी शर्मा ओली र कार्यकारी अध्यक्ष पुष्पकमल दाहाल (प्रचण्ड) सांसदहरुसँग संयुक्त छलफलमा जुटेका छन् ।
अध्यादेशसँगैको अन्यौलतालाई चिर्नेगरी उनिहरु संयुक्त छलफलमा जुटेका हुन् ।
प्रधानमन्त्रीको प्रेस सल्लाहाकारका अनुसार नेकपाको पार्टी स्थापना दिवसको अवसरमा बालुवाटारमा संघीय संसदमा प्रतिनिधित्व गर्ने नेकपाका सांसदहरूसँग प्रदेशस्तरीय समूहमा छलफल भैरहेको छ ।
सुदूरपश्चिम प्रदेशबाट शुरू भएको छलफल प्रदेश नं १ र वागमती प्रदेश हुँदै क्रमशः सातवटै प्रदेशका सांसदहरूसँग आज र भोलिसम्म गरिने जनाइएको छ । जारी अध्यादेश र कोरोना भाइरसविरूद्दको लकडाउन लगायतका विषयहरूमा सांसदहरूलाई स्पष्ट गर्न यसरी छलफल गरिएको बताइएको छ ।
वि.सं.२०७७ वैशाख १० बुधवार १५:३५ मा प्रकाशित
