Sansar News
११ वैशाख, काठमाडौँ । प्रधानमन्त्री केपी शर्मा ओली अध्यादेश फिर्ता लिन सहमत भएको नेकपाको उच्च स्रोतले बताएको छ ।
नेपाल कम्युनिष्ट पार्टी(नेकपा) भित्र सचिवालयको विरोध स्थायी समितिको माग गर्दै दबाब र केन्द्रीय तथा जिल्ला तहबाट व्यापक दबाब आएसँगै बुधबारै प्रधानमन्त्रीको मनस्थिति परिवर्तन भएको बताइएको थियो ।
यसबीच कार्यकारी अध्यक्ष प्रचण्डको सुझावसहितको दबाब, वरिष्ठ नेता झलनाथ खनाल र माधव नेपालको सार्वजनिक असहमतिका कारण बिहिबार बिहान ओलीले नेताहरुसँग छलफलमा अध्यादेश फिर्ता लिन सहमत भएको नेकपा स्रोतले बताएको छ ।
नेपाली, काँग्रेस, राप्रपा, नवगठित जनता समाजवादी दलले संयुक्त प्रेस वक्तव्यसहित र नेमकिपा, राष्ट्रिय जनमोर्चा लगायतले छुट्टाछुट्टै वक्तव्यबाट अध्यादेशको विरोध जनाएका थिए ।
प्रधानमन्त्री स्वयम्ले नेतृत्व गरेको नेकपा भित्रका झण्डै दुई तिहाइ स्थायी समिति सदस्यले चर्को विरोध गरिरहेका थिए ।
वि.सं.२०७७ वैशाख ११ बिहीवार १५:१७ मा प्रकाशित
