हामी सबैकाे संसारन्यूज

१४ बैशाख, काठमाण्डौं । जनता समाजवादी पार्टीका नेता कार्यकर्ता, सांसद तथा पूर्वराज्यमन्त्री सुरेन्द्र यादवको अपहरण गरेको आरोपमा किटानी जाहेरी दिन महानगरीय प्रहरी प्रहरी परिसर टेकु पुगेका छन् ।

नेकपा सांसदद्धय महेश बस्नेत र किशन श्रेष्ठ तथा पूर्वआइजीपी सर्वेन्द्रखनालविरुद्ध सांसद सुरेन्द्र यादवलाई अपहरण गरेको आरोपमा किटानी जाहेरी दिन उनीहरु टेकु प्रहरीमा पुगेका हुन् ।

उनीहरुले सांसद यादवको जीवन खतरामा रहेकोले रक्षाका लागि उनीहरुलाई कारबाही हुनुपर्ने माग गर्दै टेकु प्रहरीमा पुगेका हुन् ।

उनीहरुले कानुनी रुपमा सुनुवाई नभए मानबअधिकार आयोगसम्म पुग्नेसमेत बताएका छन् ।

डा. बाबुराम भट्टराई, उपेन्द्र यादव, सांसद सुरेन्द्र यादव लगायतका नेताहरु टेकु प्रहरीमा पुगेका हुन् ।

महोत्तरीको घटना भएकोले त्यहिको जिल्ला प्रहरी कार्यालयमा जाहेरी दिन प्रहरीले अनुरोध गरेको र आरोपितहरु कठमाण्डौंबाट गएर काठमाण्डौंमै बन्धक बनाइएकोले यहि किटानी जाहेरी लिइनुपर्ने अडान नेताहरुले लिएको बताइएको छ ।

सरकारले आफै अनुसन्धान गर्नुपर्नेमा पीडितले जाहेरी दिँदा पनि जाहेरी लिन नमानेको आरोप जनता समाजवादीका नेता आङकाजी शेर्पाले बताएका छन् ।

सांसद यादव अपहरण गरेको आरोपमा किटानी जाहेरी दिन जनता समाजवादी पुग्यो प्रहरीमा