Sansar News
२० बैशाख, काठमाडौँ । भारतमा कोरोना संक्रमितको संख्या ३७ हजार नाघेको छ । वल्डोमिटरका अनुसार भारतमा अहिलेसम्म कोरोना संक्रमितको संख्या ३७ हजार २ सय ५७ पुगेको छ भने मृत्यु हुनेको संख्या १ हजार २ सय २३ पुगेको छ ।
भारतमा एकै दिनमा सबै भन्दा बढि कोरोना संक्रमित हिजो भेटिएका छन । पछिल्लो २४ घण्टामा मात्रै २ हजार ३ सय ९४ नयाँ कोरोना संक्रमितहरु भेटिएका छन भने संक्रमणबाट ६९ जनाको मृत्यु भएको ।
विश्वभरमा कोरोना संक्रमित संख्या ३४ लाख ८ सय ३० पुगेको छ भने २ लाख ३९ हजार ५ सय ९२ ले आफ्नो ज्यान गुमाई सकेका छन ।
वि.सं.२०७७ वैशाख २० शनिवार ०८:३३ मा प्रकाशित
