हामी सबैकाे संसारन्यूज

२१ वैशाख । अघिल्लो हप्ता बलिउडले दुई उत्कृष्ट अभिनेताहरुलाई गुमायो, यसै बीच बलिउडमा चिन्ताको अर्को समाचार आयो ।

चर्चित अभिनेता नसीरुद्दीन शाहको स्वास्थ्य गम्भिर रहेको भन्दै समाचार आए । एकपछि अर्को गर्दै अभिनेता गुमाएको बलिउडले नसीरुद्दीन शाहको स्वास्थ्य विषय भाइरल भएर फैलियो । उनको स्वास्थ्य अवस्था खराब भएको र उनी अस्पतालमा भर्ना भएको खबरहरु आए । तर यी सब अफवाह थिए । जब यस्तो समाचार नसीरुद्दीन शाहले पढे उनले आफू स्वस्थ रहेको र घरमै रहेको जानकारी गराए । उनका छोरा विवान शाहले पनि आफ्नो बुबा नसीरुद्दीन शाहको स्वास्थ्य सम्बन्धी ट्वीट गरे जसमा उनले भने कि ‘बाबा ठीक हुनुहुन्छ र उहाँको स्वास्थ्य सम्बन्धी समाचार गलत छ ।’

All well everyone! Baba’s just fine. All the rumours about his health are fake. He’s keeping well ?Praying for Irfan Bhai and Chintu ji. Missing them a lot. Deepest condolences to their families. Our hearts go out to all of them. It’s a devastating loss for all of us ??

— Vivaan Shah (@TheVivaanShah) April 30, 2020

त्यहि समयमा, ६९ वर्षीय नसीरुद्दीन शाहले फेसबुकमा पोस्ट गर्दै आफ्नो स्वास्थ्यको बारेमा चिन्ता लिएको भन्दै सबैलाई धन्यवाद दिएका छन् । उनले लेखका छन् ‘म ती सबै मानिसहरूलाई धन्यवाद दिन्छु जसले मेरो स्वास्थ्यको बारेमा चिन्ता गरे, म उहाँहरुलाई आश्वस्त पार्न चाहान्छु म ठीक छु । म घरमा बसेर लकडाउनको पालना गरिरहेको छु, कृपया कुनै पनि अफवाहमा विश्वास नगर्नुस् । ’