हामी सबैकाे संसारन्यूज

एक चिनियाँ नर्सले अमेरिकी राष्ट्रपति डोनाल्ड ट्रम्पलाई पत्र पठाएकी छन् । उनले आफूले वुहानमा बिताएका स्मरणहरु उल्लेख गर्दै कोभिड १९ विरुद्ध अमेरिकी जनतालाई सफलता मिलोस् भन्दै शुभकामना पठाएकी छिन् ।

महामहिम राष्ट्रपति डोनाल्ड ट्रम्प,
नमस्ते, तपाईलाई कस्तो छ ?, म चीनको एक अस्पतालमा श्वासप्रश्वास विभागको नर्स हुँ । वुहानको अस्पतालमा सहयोगीका रुपमा काम गरी अहिले आफ्नो जन्म घरमा फर्केकी छु ।

ती दिनहरुको याद अहिले पनि ताजै छ, देशभरबाट ४२ हजार मेडिकलकर्मीहरु, जो भाइरसको महामाहरीसँग लड्न वुहानमा आइपुगेका थिए, हुवेईका नागरिको जीवन बचाउन दिनरात काममा खटिएका थियौँ ।

म तपाईलाई यो पत्रमार्फत वुहानमा हामीले भोगेका केही कथाहरु सुनाउन चाहन्छु ।

शुरुमा महामारीको धेरै खतरा थियो । मेडिकल आपूर्ति निकै कम थियो । हामीले पनि सुरुका दिनमा मेडिकल सामग्रीहरुको अभाव भोगेको सम्झना पनि छ । पैसा बचाउन हामीले हावा लिनको लागि मात्र केही सुरक्षाका कपडाहरु पाएका थियौँ । हामी पहिले नै पसिनाले भिज्दथ्यौँ, चक्कर र वाकवाकीको महशुस हुन्थ्यो ।

जुन दिन म वुहान गएँ, त्यसदिन चिनिया नयाँ वर्षको सन्ध्या थियो । चिनिया जनताका लागि ठूलो चाड, चिनिया परिवारमा पुर्निमिलनका सबैभन्दा महत्वपूर्ण दिन थियो, संयुक्तराज्य अमेरिकामा क्रिसमसको पूर्वसन्ध्या जस्तै । तर म एक चिकित्साकर्मी हुँ, र मेरो कर्तव्य बिरामीको जीवन बचाउने हो र यहि प्रतिज्ञा गरेँँ । यस्तो बेलामा हामी ४२ हजार सुरक्षार्कीहरु भने आफ्ना परिवारबाट अलग भई महामारीको रोकथामका लागि बिना कुनै पछुतो, लगातार खटेर कार्य गरेका थियौँ ।

अमेरिकाका डाक्टरहरुप्रति मेरो सहानुभूति छ, जब उनीहरु केवल प्लाष्टिकको ब्यागलाई सुरक्षा कपडाको प्रयोग गर्न सक्छन् भनेर भनिएको थियो । अमेरिकी चिकित्सकर्मीहरुको परिवार देखेर मलाई साह्रै दुःख लाग्यो, उनीहरुले आफ्ना प्रियजनहरुको तस्विर समाउँदै रोएको देख्दा मेरो मुटु छियाछिया भयो । सँगै धेरै बिरामीहरु निको भएर अस्पतालबाट डिस्चार्ज भएको देख्दा अत्यन्त खुशी लाग्थ्यो ।

सबैभन्दा गाह्रो दिन बितेको छ । मलाई सबैभन्दा खुशीको क्षण त्यो लाग्थ्यो, जब कोभिड १९ का बिरामीहरुलाई डिस्चार्ज गरी अस्पतालबाट घर पठाइन्थ्यो, विशेष गरी कपाल फुलेका बिरामीहरु ।

हामी सबै बिरामीहरुलाई उनीहरुको आफ्नै आमाबुबाको रुपमा हेरचाह गथ्यौँ । । हामीले उनीहरुलाई कहिले पनि दुखित हुन र जीवनबाट हार मान्न दिएनौँ । हामीले ३६ सय भन्दा बढी बिरामीको उपचार गर्यौँ । हुुवेई प्रान्तमा ८० वर्ष भन्दा माथिका बिरामीहरुलाई निको पारेका छौँ । वास्तवमै म निकै खुशी छु, गर्व गरेको छु । मैले तिनीहरुको जीवन बचाउन सक्दो काम गर्ने अवसर पाएँ ।

वुहानमा चिकित्साकर्मीहरुले राम्रो उपचार गर्न सक्दो कोशिस गरे । बिरामीका रुपमा १०८ वर्षका देखि ३० घण्टाका बच्चाहरु समेत थिए । जीवन बचाउनु हाम्रो कर्तव्य हो, जीवन सबैभन्दा माथि छ ।

महामहिम राष्ट्रपतिज्यू, यो वुहानमा भएको घटनाको वास्तविक कहानी हो ।

मलाई थाहा छ, यस घडीमा धेरै अमेरिकी भाइरसबाट पीडित छन् । अमेरिकाले यस महामारीलाई जित्नसक्ने र सबै जनताले सुस्वास्थ्य प्राप्त गर्नसक्ने मेरो शुभकामना छ । साथै महामारी नियन्त्रणमा अग्रपंक्तिमा रहेर अहोरात्र खटिरहेका सबै चिकित्सकलाई अभिवादन गर्न चाहन्छु । अमेरिकी जनतालाई शुभकामना ।

(एजेन्सी)