हामी सबैकाे संसारन्यूज

२९ वैशाख काठमाडौं । यूएइ सरकारले नेपाली कामदारलाई फिर्ता ल्याउन नेपाल सरकारलाई पत्राचार गरेको छ । सोमबार राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन समितिको बैठकमा परराष्ट्रमन्त्री प्रदिप ज्ञवालीले सो जानकारी दिएका हुन।

मन्त्री ज्ञवालीले दिएको जानकारी अनुसार युएई सरकारले दुईवटा विमानमा नेपालीलाई फिर्ता ल्याउन पत्राचार गरेको हो । सोमबार नै यूएईको पत्र प्राप्त भएको ज्ञवालीले जानकारी दिए ।

सरकारले बिभिन्न माध्यम मार्फत गरेको अध्यायन अनुसार करिब ६ लाख नेपालीहरु स्वदेश फर्कन चाहेका छन । ती मध्ये छिमेकी देश भारतबाट २ लाख ५० हजार र अन्य मुलुकबाट ३ लाख २३ हजार ५३० नेपाल फर्किन चाहिरहेको तथ्याङ्क संकलन भएको मन्त्री ज्ञवालीले जानकारी दिएका छन ।

तिनिहरु मध्ये २ लाख १० हजार नेपालीलाई तत्काल स्वदेश ल्याउनुपर्ने देखिएको उनले जानकारी दिएका छन ।