हामी सबैकाे संसारन्यूज

३ जेठ, काठमाण्डौं । काभ्रेको धुलीखेल अस्पतालमा एक सुत्केरीको मृत्यु भएपछि अहिले अस्पतालमा उच्च सर्तकता अपनाईएको छ ।

९ दिनअघि टिचिङ अस्पताल महाराजगन्जमा सुत्केरी भएर घर फर्किएकी सिन्धुपाल्चोक बाह्रबिसेकी २९ वर्षीया महिलाको विहिबार धुलीखेल अस्पतालमा मृत्यु भएको हो । उनको मृत्यु भएपछि अस्पताललाई सिल गरिएको बताइएको छ ।

स्वास प्रश्वासमा समस्या देखिएपछि धुलीखेल अस्पतालमा भर्ना गरीएकी उनको बिहिबार राति मृत्यु भएपछि कोरोनाको आशंकामा उच्च सतर्कता अपनाइएको हो । उनको पिसीआर नमुना परीक्षणका लागि राष्ट्रिय जनस्वास्थ्य प्रयोगशाला टेकुमा पठाइएको अस्पताल प्रशासनले जनाएको छ ।

स्वास्थ्य मन्त्रालयको नियमित पत्रकार सम्मेलनमा उनको बारेमा जानकारी दिइने बताइएको छ ।