हामी सबैकाे संसारन्यूज

नेपालका अतिक्रमित भूमिलाई समेटेर देशको नक्सा जारी गर्नुपर्ने सन्दर्भमा मैले शुरुदेखि नै पार्टीमा सशक्त विचार र जोडदार माग राख्दै आएको म सबैमा स्मरण गराउन चाहन्छु । यसपटक पनि छुटेका नेपाली भूभाग समेटेर नक्सा जारी गर्नुपर्ने प्रस्ताव पार्टीको बैठकमा मैले नै राखेको यहाँहरु सबैमा जानकारी गराउँछु ।

७ जेठ, काठमाडौँ । सत्तारुढ नेपाल कम्युनिष्ट पार्टी (नेकपा) का उपाध्यक्ष बामदेब गौतमले कसैलाई पनि देवत्वकरण नगर्न अपिल गरेका छन् ।

भारतद्वारा अतिक्रमित नेपाली भूमि समेटेर सरकारले नक्शा सार्वजनिक गर्ने निर्णय लगत्तै बढाइएका ब्यक्ति केन्द्रित अस्वभाविक प्रशंसा र अनुयायीहरुद्धारा गरिएको देवत्वकरण तर्फ इंगित गर्दै नेता गौतमले सामुहिक छलफलबाट मात्र सरकारले सो निर्णय गरेको बताएका छन् ।

सरकारले ल्याउने नीति तथा कार्यक्रममा नक्शा सार्वजनिकको कुरो आउनुपर्नेमा आफूले प्रस्ताव गरेको र सामूहिक प्रयासबाट मात्र त्यो सफल भएको उनले खुलासा गरेका छन् । साथै उनले सरकारका अनेकन कार्य आलोचनायोग्य हुँदाहुँदै पनि यो काम भने स्वागतयोग्य भएको बताएका छन् । यसका साथै उनले राष्टियता सम्बन्धि आफना बिगतका अडान र प्रयास पनि स्मरण गराएका छन् ।

जेठ ७ गते बुधवार बिहानै सार्वजनिक बक्तब्यमा भनिएको छ । ‘ऐतिहासिक तथ्य, प्रमाण र लिखतद्वारा निर्दिष्ट गरिएको आधारमा नेपाल सरकारले हाम्रो देशको नयाँ नक्सा सार्वजनिक गरेको छ । यसप्रति समस्त नेपाली जनसमुदाय प्रधानमन्त्री केपी शर्मा ओली नेतृत्वको सरकारप्रति आभारी छ ।

नेपालका अतिक्रमित भूमिलाई समेटेर देशको नक्सा जारी गर्नुपर्ने सन्दर्भमा मैले शुरुदेखि नै पार्टीमा सशक्त विचार र जोडदार माग राख्दै आएको म सबैमा स्मरण गराउन चाहन्छु । यसपटक पनि छुटेका नेपाली भूभाग समेटेर नक्सा जारी गर्नुपर्ने प्रस्ताव पार्टीको बैठकमा मैले नै राखेको यहाँहरु सबैमा जानकारी गराउँछु ।

वर्तमान सरकारका अनेकन कार्य आलोचनायोग्य हुँदाहुँदै पनि यो काम भने स्वागतयोग्य छ । किनभने, सिमाना व्यवस्थापनसँग सम्बन्धित हाम्रा ऐतिहासिक अभिलेखलाई यो नक्साले अझ बलियो प्रमाणका रुपमा आत्मसाथ गर्दै आगामी पुस्तालाई सीमा रक्षाका निमित्त प्रेरणा, उत्साह र उर्जा दिने काम भएको छ ।

अनुयायीहरु व्यक्ति केन्द्रित हुन्छन र निश्चित व्यक्तिका नामलाई देवत्वकरण गर्न व्यस्त हुने प्रचलन छ । तर, यो निर्णय पार्टीको सामूहिक निर्णयप्रक्रिया अनुसार भएर, नेपाल सरकारबाट पनि त्यहीअनुरुप अनुमोदन भएको वास्तविकतालाई सबैले स्वीकार गर्नुपर्छ । हामीले राम्रोलाई राम्रो र नराम्रोलाई नराम्रो भन्न सक्नु पर्दछ ।’

स्मरण रहोस, सचिवालय समेत छलेर नीति तथा कार्यक्रम ल्याउन लागेका बेला नेता गौतमकै पहलमा जबरजस्ति बैठक बोलाइएको, सरकारले सबै तयारी गरीसकेका कारण अरु महत्वपुर्ण बिषयमा छलफल हुन नपाएको तर नक्शा सम्बन्धि बिषय बामदेवको प्रस्ताव र अरुको दबाब पछिमात्र परेको तितो यथार्थताका बिच देवत्वकरण गरीएको देख्दा बामदेवलाई असहजता भएको बिश्लेषण गरिएको छ ।