Sansar News
७ जेठ, काठमाडौँ । विश्वका २१३ देशमा माहामारीको रुपमा फैलिएको कोराना भाइरस(कोभिड १९) का कारण संक्रमित हुनेको संख्या झण्डै ५० लाख पुगेको छ ।
वोल्डोमिटरका अनुसार अहिलेसम्म ४,९८६,३९५ जनामा कोरोना संक्रमण देखिएको छ भने ३२४,९११ जनाले ज्यान गुमाएका छन् । संक्रमित मध्ये १९, ५८,४९६ निको भएका छन् ।
विश्वमा संक्रमित मध्ये झण्डै एक तिहाइ त अमेरिकामा मात्र देखिन्छ । १५,७०,५८३ जना संक्रमित छन् भने ९३,५३३ जनाले ज्यान गुमाएका छन् ।
रसियामा कोरोना संक्रमण ढिलोमात्र फैलिएको भएपनि प्रभावितका हिसाबले अमेरिका पछि दोस्रो स्थानमा रहेको छ । संक्रमणका हिसाबले रसियापछि स्पेन, ब्राजिल, बेलायत, इटाली, फ्रान्स, जर्मनी, टर्की, इरान, इण्डिया, पेरु अनि कोरोना उत्पत्ति भएको देश चीन क्रमशः रहेका छन् ।
मृत्युका हिसाबले अमेरिका पछि बेलायत, इटाली, फ्रान्स, स्पेन, ब्राजिल, बेल्जियम, जर्मनी, इरान, क्यानडा, नेदरल्याड्स, मक्सिको र चीन क्रमशः रहेको छ ।
वि.सं.२०७७ जेठ ७ बुधवार ०९:२६ मा प्रकाशित
