Sansar News
७ जेठ, काठमाण्डौं । नेपालमा हालसम्म कोरोना संक्रमितको संख्या ४२७ पुगेको छ । नेपालमा आज २५ जना नयाँ संक्रमित भेटिएका छन् उनीहरु ३ वर्षे बालक देखि ४८ वर्षसम्मका रहेको स्वास्थ्य मन्त्रालयले जनाएको छ ।
जसमा बाँकेमा ६ जना थप संक्रमित भेटिएका छन् । उनीहरुमा नरैनापुर गाँउपालिकाका ५ जना पुरुषहरु १७,२०, २८, ३०, ४० वर्षीय र खजुराका २७ वर्षीय पुरुष रहेका छन् ।
त्यसैगरी धनकुटामा ५ जना संक्रमित भेटिएका छन् । उनीहरुमा २८,२९,३५,२३ वर्षीय पुरुष र २४ वर्षीया महिला रहेका छन् । उनीहरु सबै धनकुटामै बस्दै आएका छन् ।
त्यसैगरी कपिलवस्तुमा १३ जना संक्रमित भेटिएका छन् । विजयनगरको क्वारेन्टाइनमा बसेका २२, ३५, ४८ वर्षीया पुरुष र महाराजगन्ज गाउँपालिकाका ३, ४ र ६ वर्षीया बालिका, १६,२५ र ३२ वर्षीया महिला तथा १२ वर्षीय बालक, २०, २४ र ३४ वर्षीय पुरुष रहेका छन् ।
त्यसैगरी नवलपरासी (पश्चिम) सुस्ताका गाउँपालिका ५ बेलपानी क्वारेन्टाइनमा रहेका १ २६ वर्षीय पुरुष रहेका छन् । हालसम्म संक्रमित ४२७ जनामा ३५९ जना पुरुष र ६९ जना महिला रहेका छन् । साथै हालसम्म निको भएर घर फर्कनेको संख्या ४५ पुगेको छ ।
वि.सं.२०७७ जेठ ७ बुधवार १६:४९ मा प्रकाशित
