हामी सबैकाे संसारन्यूज

८ जेठ, काठमाडौँ । ‘सम्पूर्ण कम्पनी प्रतिनिधि एक हौँ, उद्योग व्यवसायीको रक्षा गरौं, रोजगारीको संरक्षण गरौं’  भन्ने प्रमुख लक्ष्यका साथ स्थापित नेपाल बजार ब्यापार बिक्री प्रतिनिधि संघ पोखराको भित्तेपात्रो प्रकाशित भएको छ ।

उक्त भित्ते पात्रोको संस्थाका सस्थापक अध्यक्ष प्रेमराज गौतम र सल्लाहकार सुरज उपाध्यायले संयुक्तरूपमा सार्वजनिक गरेका छन् । नयाँ वर्ष २०७७ को अवसरमा प्रकाशीत भित्ते पात्रो सार्वजनिक गर्ने क्रममा संस्थाका सस्थापक अध्यक्ष गौतमले विश्वभर महामारीको रूपमा फैलिएको कोरना भाइरसले थुप्रैको रोजगारी गुम्ने अवस्था सृजना भएको बताए । अहिलेको विषम परिस्थितिमा उद्योगी व्यवसायी र कम्पनी प्रतिनिधि मिलेर उद्योग व्यवसाय र रोजगारीको संरक्षण गर्नुपर्ने बेलामा उनले जोड दिएका छन् ।

भौतिक दुरी कायम गरेर गरिएको उक्त कार्यक्रममा सल्लाहकार सुरज उपाध्यायले पछिल्लो परिस्थिति झन् बिग्रदै गएको, कम्पनी राम्रोसँग नचल्दा कम्पनी प्रतिनिधिको मात्रै नभएर बजारसँग जोडिएर रोजगार पाएका सबै मजदुरहरुको दैनिक अवस्था झन् बिग्रदै गएको धारणा राखेका थिए ।

संस्थाका अध्यक्ष सुरेन्द्रराज अधिकारीको अध्यक्षतामा भएको उक्त कार्यक्रमको संचालन सचिव राजु सुवेदी र स्वागत हरि ढुंगानाले गरेका थिए ।