Sansar News
१५ जेठ, काठमाण्डौं । नेपालमा कोरोना संक्रमितको संख्या दिनानुदिन बढ्दै गएको र मृतकको संख्या पनि बढुदै गएकाले स्वास्थ्य मन्त्रालयले थप सजगता अपनाउन अनुरोध गरेको छ ।
स्वास्थ्य मन्त्रालयको विहिबार आयोजित नियमित पत्रकार सम्मेलनमा स्वास्थ्य मन्त्रालयका प्रवक्ता डा. विकास देवकोटाले पछिल्लो समय कोरोना संक्रमितको संख्या बढ्दै गएकाले थप सजगता अपनाउन अनुरोध गरेका हुन् ।
यस्तो बेलामा खास गरेर दीर्घरोगी र नियमित औषधि सेवन गर्नेहरुले विशेष ध्यान दिनुपर्ने र त्यस्ता व्यक्तिहरुको देखभालमा परिवार तथा छिमेकले पनि विशेष भूमिका खेलिदिन समेत अनुरोध गरेका छन् ।
कोरोना संक्रमण रोकथाम र नियन्त्रणमा अझ बढी चुनौती थपिदै गएकाले सबै क्षेत्रका व्यक्तिहरुले सजगता अपनाउँदै सहयोगी भूमिका खेल्दै जानुपर्ने समेत डा. देवकोटाले बताएका हुन् ।
वि.सं.२०७७ जेठ १५ बिहीवार १६:३७ मा प्रकाशित
