हामी सबैकाे संसारन्यूज

२५ जेठ, काठमाडौँ । कोरोना भाइरस(कोभिड–१९) अहिले विश्वका २१३ देशमा पुगेर धेरै देशहरुमा महामारीको रुप लिइसकेको छ । चीनको हुवेई प्रान्तको वुहान शहरबाट फैलिएको कोरानाले अहिलेसम्म ४ लाख २ हजार ७० जनाले ज्यान गुमाइसकेका छन् भने ६९ लाख ७६ हजार ४५ जनामा कोरोना संक्रमण देखिएको वोल्डोमिटरले जनाएको छ ।

कोरोनाका कारण सबैभन्दा बढी मानिसको मृत्यु भएको देश अमेरिका हो भने त्यसपछि बेलायत र तेस्रो ब्राजिल रहेको छ ।

१ हजार भन्दा बढी ज्यान गुमाउनेमा २९ देश रहेका छन् । जसमा जसमा अमेरिका, बेलायत, ब्राजिल, इटाली, फ्रान्स, स्पेन, मेक्सिको, बेल्जियम, जर्मनी, इरान, क्यानडा, इण्डिया, नेदरल्याण्डस्, रसिया, पेरु, टर्की, स्वीडेन, चीन, इक्युडोर, पाकिस्तान, स्वीट्जरल्याण्ड, इण्डोनेसिया, आयरल्याण्ड, चीली, पोर्चुगल, रोमानिया, कोलबिया, इजिप्ट र पोल्याण्ड रहेका छन् ।