-->
Logo
१९ असार २०७९, आईतवार
     Sun Jul 3 2022
E-paper
  English Edition
   Unicode
Logo

चीन–भारतबीच तनाब कायमै, जर्नेलहरुको वार्ता पनि निष्कर्षविहिन



२५ जेठ, काठमाडौँ । भारत–चीन पछिल्लो सीमा वार्ता निष्कर्षविहिन भएको छ ।

३४८८ किलोमिटर लामो सीमा रहेको भारत र चीन बीच सीमा सम्बन्धि समस्या पटक पटक बल्झँदै आएका छन् । विवाद र झडपका कैयौँ श्रृंखलाका बीच १५ पटकसम्म भएको सैनिक अधिकारीहरुको वार्ता समस्या सल्टाउने भन्दा तत्काललाई टार्ने हुँदै आएपनि पछिल्लो वार्ताबाट समस्या सुल्झने आशा गरिएको थियो ।

लदाखको पूर्वी क्षेत्रको चिनीया भूभाग माल्दोमा शनिबार सम्पन्न वार्तामा भारतका तर्फबाट लेफ्टिनेन्ट जनरल हरीन्दर सिंह र चीनका तर्फबाट दक्षिण सिन्ज्याङका सैनिक कमाण्डर मेजर जनरल लिउ लिन सहित दुवै पक्षका ११/११ गरी २२ जना सैनिक अधिकारी सहभागी भएको बताइएको छ ।

वार्तामा चिनीया पक्षले शान्तिपूर्ण रुपमै सल्टाउन आफूहरु तयार भएपनि भारतीय मिडियाले उत्तेजना फैलाउने गरेकोमा आपत्ति जनाएका थिए भने भारतीय पक्षले काल्पनिक र निराधार कुराहरु रोक्ने विषयमा सहमति जनाएको थियो । सन् १९६२ मा सीमा विवाद कारण चीन भारत युद्ध भएको थियो भने सन् २०१७ मा आइपुग्दा डोक्लाम क्षेत्रमा ७३ दिन सम्म झडप र हानाहान चलेको थियो ।

सन् २०१९ मा भारतले चीन नियन्त्रीत क्षेत्र समेत आफ्नो भूभागमा परेको भनि नक्सा समेत सार्वजनिक गरेपछि थप विवाद बढेको थियो । नेपाल–भारत सीमा समस्या सल्टाउन नेपाललाई भारतले अटेरी गरेजस्तै चीनले भारतलाई अटेरी गरेको महशुस भारतीय पक्षले गरिरहेको स्थितिमा अमेरिकी राष्ट्रपति डोनाल्ड ट्रम्पल मध्यस्थता गर्ने इच्छा समेत प्रकट गरेका थिए । तर यो मामिलामा दुवै देशले तेस्रो पक्षको उपस्थिति आवश्यक नपर्ने बताएर पुन वार्ताको प्रयास गरेका थिए ।

‘सैनिक र कुटनैतिक तरिकाबाटै समस्याको समाधान खोजिने’ भन्दै वार्ता टुंगीएपछि जर्नेलहरुको उच्चस्तरीय वार्ता पनि निष्कर्षविहिन भएको अनुमान गरिएको छ ।


यो खबर पढेर तपाईलाई कस्तो महसुस भयो ?

काठमाडौं । नेकपा एमालेले पार्टीका विभिन्न केन्द्रीय विभागका सचिविहरु मनोनयन गरेको छ । पार्टीको

काठमाडौं । स्थानीय तहको निर्वाचनमा नेकपा (माओवादी केन्द्र)ले मधेश प्रदेश निकै नै अनपेक्षित नतिजा

काठमाडौं । नेकपा माओवादी केन्द्रको केन्द्रीय समितिको बैठक आजदेखि सुरु भएको छ । काठमाडौंको

काठमाडौं । नेपाल प्रहरीले जनपद तर्फको प्रहरी जवान पदमा ठूलो संख्यामा भर्ना खुलाएको छ